Cinta Vidal
Catalunya
CINTA VIDAL: "Costa da Morte"
«Compartimos espazos pero vivímolos de forma diferente»
Cinta Vidal fórmase na Escola de Massana de Barcelona e a idade moi temperá comeza a traballar no Taller de Escenografía Castells, un dos máis prestixiosos no seu eido, onde co paso dos anos adquire a súa pincelada precisa e o gusto polo detalle.
Na súa serie de traballos persiste na representación dunha inconexión co mundo que nos rodea e esta realidade paralela reflíctese suprimindo a dimensión gravitatoria. A súa obra é unha reflexión sobre a orde e desorde dos elementos, dos mundos, dos obxectos e das ideas. Historias que conviven sen chegar a cruzarse.
«É un desafío a entender este equilibrio desequilibrante»
Nesta ocasión Cinta agasallounos cun mural deseñado exproceso pra Carballo e que leva por título “Costa da Morte”, no que se fusionou literalmente con esta parede e no que retrata certos rasgos predominantes da arquitectura propia de Carballo como as casas con galerías, casas con cubertas de tella e os peculiares horreos da comarca, que fan referencia directa a algunhas construccións da propia vila.
En consonancia con todo o seu traballo anterior utiliza a arquitectura como elemento narrrativo crucial da obra pero introduce elementos menos usados na súa traxectoria como montañas e acantilados, que volteados e faltos de gravidade adquiren unha expresividade e un vértigo especial.
O mural de Cinta Vidal está na rúa Vázquez Parga, Carballo. >> Ver ubicación >> Link Street view:
Máis info:
Fotos por: A.L.Crego
TRABALLOS ANTERIORES:
TRABALLOS ANTERIORES:
