Curiot

México

Curiot chega dende Michoacán, é un dos artistas máis relevantes na escena da arte urbana actual en México.

Por medio do seu colorido e o traballado detalle, móstranos un imaxinario cheo de culturas antigas que adoraban a deuses asociados a fenómenos naturais ou á divindade que representan. As súas personaxes transpórtannos a mundos imaxinarios e bucólicos, onde sempre está presente a problemática entre a natureza e o ser humano.

CURIOT: " Visitando el consultorio "

Despois dunha longa semana traballando nas alturas, o artista mexicano sorprendeunos cunha particular escea na que intuímos unha chamánica consulta médica. Nesta psicotrópica sala de espera médico e paciente agardan a atoparse pra tentar arranxar doenzas propias deste mundo de extress e xeolocalizacións. Enfermidades aínda por diagnosticar e solucións que agardan por se investigar.

Quizais a solución máis doada aos nosos problemas do hoxe en día esté na volta á sabedoría antiga dos nosos antergos e esquecer a consulta do Sergas pra ir direitamente á casa da Meiga.

O mural de Curiot está nun dos edificios da rúa Gardenias, ao lado do pazo da cultura.

Ver ubicación>>Link Street view:

Máis info:

https://www.facebook.com/El.Curiot/

http://l--ll--l.com/publicspace/

Fotos por: A.L.Crego

CURIOT: "Visitando el consultorio" / REXENERA FEST 2017