Nada ( Iria Fafián )
Galiza
Iria Fafián é ilustradora; Nada é muralista e hai pouco tamén apareceu Tirria. En realidade son diversas facetas da mesma persoa que dan lugar a resultados gráficos bastante diferentes. No campo da ilustración e do debuxo traballa desde un punto máis intimista, e no muralismo explora un mundo de personaxes bizarros e algo demoníacos, coma se fosen deidades ocultas na vexetación do inconsciente.
Iria bebe da ilustración e do graffiti cunha marcada personalidade que fai agromar personaxes e mundos oníricos.
Nesta ocasión a artista galega creou unha imaxe chea de misterio na que observamos unha escea onde a personaxe principal está a punto de adentrarse nunha fraga frondosa e inhóspita, a piques de comezar unha aventura. Atrás, nun claro, deixa unha mochila.
O conxunto da obra fala sobre a procura do incerto e deixar atrás a zona de confort, a rutina, para emprender unha procura de novas experiencias e de posibilidades nun futuro incerto.
En canto ao estilo e técnica utiliza unha linguaxe que bebe directamente da ilustración comtemporánea e da estampa xaponesa, sen esquecer completamente as súas raices no mundo graffiti.
O mural de Nada está emprazado nun dos edificios do Forum de Carballo, na rúa Pza. dos Bombeiros s/n
Máis info:
NADA ( IRIA FAFIÁN)
TRABALLOS ANTERIORES:
